اسكريبت كامل بقلم كنوز محمد
المحتويات
والهانم مراتك هتفضل كد كتير
مش فاهم!
يعني مبتخلفش.
هو كل يوم نفس الموضوع يا أمي أنا زهقت.
يا ابني هو أنا مش من حقي اشوف عيالك
حقك بس أنت عارفة إنها حاجة مش بإيدنا التأخير ده من عند ربنا يبقى نصبر بقى.
أصبر أكتر من كد أي يا يوسف أنت بقالك ٣ سنين متجوز ولحد دلوقتي مخلفتش حتى عيل!
طب ما تتجوز يا ابني.
ماما أنا قولتلك قبل كد مش هتجوز على سارة أنا بحبها ومش هتجوز حد غيرها.
كنت واقفة بعيد وأنا سامعة كل كلمة بتتقال ف نفس الوقت قلبي كان بڼزف من الۏجع طب هو بإيدي ليه نتعاقب على حاجة مش بإيدنا ليه الناس تجيب عليك اللوم وأنت ملكش ذنب في أي شئ.
سارة أنت نمت
كنت نايمة على السرير وعطياه ظهري وأنا كاتمة عياطي وبحاول مبينش حاجة.
اتعدل في قعدته وسند ظهره في ظهر السرير
ممكن تبصيلي طيب.
عايز إيه
عايز اتكلم معاك.
وأنا مش عايزة اتكلم.
سكت شوية وقام من السرير ولقيته شدني من إيدي وقومني من السرير.
اغسلي وشك وتعالى مستنيك في البلكونة.
مش هكررها تاني.
أهو جيتلك عايز إيه
بټعيطي ليه
وأنت مالك!
لما هو مش مالي اومال مال مين تاني أمي مثلا!
سكت شوية وكملت بتنهيد
اتجوز يا يوسف ومتحرمش نفسك تكون أب.
أنت سمعتي كلامي أنا وماما
كنت نازلة أقعد معاها وسمعت كلامكوا سوا وطلعت تاني مقدرتش أقعد.
وأنت شايفة إيه
الجواز.
كنت لسه هخرج لقيت إيده بتمنعني.
أنا مش شايف ومش هشوف غيرك وأظن كمان سمعتي إني قولت لماما إني مش هتجوز عليك مهما حصل ولا إيه
طلقني يا يوسف.
سكت وفضل باصصلي بعصبية من كلامي وبعدها بص للشارع بدون ما يتكلم.
أكيد نفسك تكون أب وأنا مش عايز أحرمك من ده.
وأنت علشان متحرمنيش تبقي بعيدة عني!
سعادتي معاك أنت يا سارة بالنسبة للخلفة دي حاجة من عندي ربنا هو له حكمة في إنه يرزقنا أو لا.. سواء دلوقتي أو بعدين أو مفيش أصلا.
بصلي وكمل
أنا بحبك أنت ومش عايز غيرك كفاية أنت كل حياتي ودي أكبر نعمة من عند ربنا.
يعني مش مضايق إني طلبت الطلاق
تؤتؤ لإنك عيلة وبتقولي كلام أكبر منك..
يلا نعمل قهوة ونجيب كتاب نقرأه سوا.
حنين أوي بيعرف يخلص أي خناقة ما بينا ومن غير ما يكبرها رغم إنه عارف إني أحيانا بحب أعمل مشاكل وأتخانق لكنه بيستحملني زي ما أنا وفي الأخر بتخلص على كبايتين قهوة وقعدة في البلكونة مع الأجواء الباردة ونقضي سهرة حلوة.
يعني متأكدة إني ممكن أخلف بالطريقة دي
ايوة طبعا الطريقة دي بركة يا بنتي اومال أنت فاكرة إيه.
الست شكلها غريب والمكان أغرب وفي حاجات وادوية قدامها معرفش إيه اللي أنا بعمله ده وهل هو صح او غلط بس المهم أفرح يوسف.
خدي الازازة دي وحطي منها على السرير مكان ما بينام.
مش ھتأذيه
متقلقيش.
طيب أنا ماشية.
استني رايحة فين إيدك على ألف جنيه قبل ما تخرجي من هنا.
أنا.. أنا مش معايا فلوس بس بصي ممكن تاخدي الخاتم ده دهب مټخافيش.
كنت فين
قفلت باب الشقة وقعدت جمبه على الكنبة.
مفيش.. كنت بتمشى شوية.
مقولتيش ليه
كنت جيت معاك.
عايزة أقعد لوحدي مقعدش لوحدي خالص!
أنت قلبتي كد ليه بكلمك عادي ليه الزعيق
أنا مش بزعق ومفيش حاجة بعد إذنك.
دخلت الأوضة وأنا مضايقة أنا مش عارفة أن كنت اللي بعمله صح أو لا بس أنا مش مرتاحة.
سارة أنت كويسة
آه.
اومال مالك جاية من بره مضايقة.
مفيش.
جه قعد جمبي على السرير
متابعة القراءة
