قصه جديده
المحتويات
دنيا اختي كانت حامل في توأم دا اللي قالتهولها الدكتورة اللي كانت بتتابع معاها ودا اللي كنا فاهمينه كلنا لحد يوم الولادة يوم ما حصلت حاجة اغرب من الخيال نفسه ..
دنيا ولدت ولد واحد بس الولد التاني مش موجود منزلش من بطنها ..
خلينا نتكلم كلام علمي بعيد عن الخرافات ..
كل حاجة بتقول ان دنيا اختي خلفت ولدين ..
لكن اللي حصل ساعة الولادة وفعليا ولد واحد بس اللي نزل ..
ايه معنى الكلام دا
محدش يعرف
طب الولد التاني راح فين
فزورة دي يعني
لا دا لغز من الغاز العلم اللي مبتنتهيش ..
وبعدين فيه حاجة غريبة حصلت بعد ما شالوا المولود وحطوه في السرير بتاعه اكتشفوا أن فيه حركة غريبة بتحصل جنب دنيا فيه حد بيتحرك الدكتورة حطت ايدها لقت نفسها لامسة الطفل لامسة جسمه بس مش شايفاه ولا اي حد شايفه ولا هو نفسه بيعيط ولا ليه صوت ..
قلت لأختي انتي لازم تاخدي الولدين وتسيبي المستشفى دي في اسرع وقت لأنك لو فضلتي هنا الصحافة والاعلام مش هيسيبوكي والعالم كله هيعرف بقصة الولد اللي اتولد مختفي ومحدش يقدر يشوفه او يسمعه ..
بدأت دنيا تتعامل مع الطفل بالاعتماد على حاسة اللمس تاكله وتحميه وتلبسه من غير ما تشوفه ..
سمينا الولد الاولاني سيف والولد المختفي دا سميناه نور ..
والولدين اتربوا مع بعض وكبروا مع بعض لحد ما وصلوا لسن الحضانة ..
بس مع الوقت بدأنا نفهم شخصية الطفلين ونعرف أن سيف عنده عيوب كتير في شخصيته زي انه اناني وطماع وكداب
ودا اللي خلق مشاكل كتير لاخوه نور
المهمة كانت صعبة جدا وأي حد غير دنيا اختي مكانش هيقدر يعمل اللي هي عملته لأن دنيا ببساطة بتتعامل مع طفل مش شايفة منه غير الهدوم اللي لابسها مفيش اي لغة تواصل بينها وبينه لانه مبيتكلمش مع الوقت دنيا قدرت تعلم نور إشارات يعبر بيها عن نفسه ېلمس ايدها مثلا لما يكون عايز ياكل ېلمس وشها لما يكون عايز يشرب دربته بالطريقة دي على اكتر من جملة بتخلص الطلبات اللي ممكن طفل في سنه يحتاجها ..
واعتمدت بشكل رئيسي في التعامل معاه على حسها الأمومي ..
يعني بالبلدي كدا
متابعة القراءة
