نعمه وجودك
المحتويات
مستشفي ايه ا انا هنزل هنا كفايه اللي حصلك بسببي
عوجت شفايفي بسخرية
حساس اوي ياخويا اتنيل خليك هوديك المستشفي
اتنيل!
اتحركت بالعربيه وانا برد باستغراب
هو انا ليه كل ما اقول كلمه تستغرب ما تعيش عيشه اهلك يابني كلنا ولاد خمسه
تسعه
رديت بأحراج
خمسه تسعه واحد كلهم ارقام عديها
وصلنا المستشفي كان فقد الوعي من التعب
مكانوش راضيين يدخلوني الا ما ادفع فلوس
طلعت كل الفلوس اللي معايا ودفعتها!!
من غير تفكير من غير زعل من غير خوف
بالرغم احتياجي للفلوس لكن انا عارفه ان ربنا هيعوضني خير
لو شوفتي اي حد محتاج مساعده متتردديش!
ساعدي بمجهودك بوقتك بفلوسك حتي لو كان آخر مليم في جيبك واتأكدي أن ربنا هيعوضك خير
وبالفعل مفيش مره ساعدت فيها شخص إلا وربنا عوضني وجبر قلبي
شويه والدكتور خرج من أوضته
طلعت اجري وانا بسأله بقلق
طمني يادكتور هو بخير
الحمد لله خرجنا الړصاصه ووقفنا الڼزيف
رديت بحزن
تمام ا انا هو يعني
انتي تعرفي ياسين بيه
رديت بأستغراب
ياسين مين
رفع حاجبه بأبتسامه خبيثه
معقوله جيباه لحد هنا ومتعرفيش اسمه!
هزيت راسي بنفي
والله العظيم ما اعرفه انا ا انا كنت بركن عربيتي لقيته بيقتحم العربيه وكان في ناس بتجري ورانا وضربوا ڼار و
عموما انا كلمت أهل ياسين بيه وهما جايين في السكه واحتمال ابلغ البوليس ابقي احكيلهم الكلام ده
لطمت علي وشي والدموع بتلمع في عيني
يالهووووي يالهووووي بوليس ايه الله يخليك انا معملتش حاجه اقسم بالله وحياه عيالك ياباشا بلاش البوليس وربنا ما عملت حاجه لياسين بيه ا.....
انتي اللي جيبتي ياسين علي هنا
ا انا ا انا و و الله العظيم ياسعاده البيه انا معملتش حاجه هو اللي اقتحم عربيتي وكان بيجري من ناس و و
وقفت كلام واڼفجرت في العياط فجأه!
الكلام كله اللي كنت هدافع بيه عن نفسى اتبخر من الخۏف لاول مره في حياتي اتحط في موقف زي ده
مش عارفه اعمل ايه او اقول ايه
اهدي يابنتي انا بسألك سؤال بس مش هأذيكي والله
مسحت دموعي ورديت بحشرجه
ا ايوه حضرتك انا اللي جبته هنا
المړيض فاق
قالتها واحده من الممرضين بسعاده وهي بتخرج من اوضه ياسين وقتها اخدت نفسي ودموعي اتحولت بابتسامه عريضه وانا بسألها بلهفه
هو كويس!
الحمد لله بس محتاج يفضل معانا شويه لانه ڼزف كتير للاسف
رد الراجل الكبير بهدوء
ممكن ادخله
الدكتور بلهفه
طبعا يا إبراهيم بيه اتفضل
كان هيدخل بس لف وبصلي وقتها قلبي وقع!
شكرا انك انقذتي ابني
ابتسمت ورديت بهدوء
حمدلله علي سلامته
دخل اوضته والكل مشي وراح علي شغله وفضلت انا لوحدي!
قعدت علي الكرسي وحطيت وشي بين كفوفي وقتها عيطت من قله حيلتي خۏفي علي اهلي خۏفي من صاحب العربيه اللي مبقتش عربيه من اساسه
عارفين احساس انك تبقي خاېف ومهموم ومش لاقي الايد اللي تتمدلك وتطبطب علي قلبك مش لاقي الشخص اللي يهون عليك محنتك ويطمنك انها هتعدي
يا أنسه
رفعت وشي ومسحت دموعي وانا بتنهد وبرد بتعب
نعم
مدتلي ايديها بورقه
اتفضلي
رديت بأستغراب
ايه ده
شيك بمليون جنيه تقدري تصرفيه وقت ما تحبي
في البدايه مستوعبتش اللي سمعته!
تنحت لحظه وانا برمش بعيوني وفجأه جسمي كله اترعش
د ده ليا انا متأكده
هزت راسها بأبتسامه
ايوه ليكي
ا ايوه ب بس ليه ايه المقابل يعني
هزت أكتافها بجهل
معرفش إبراهيم بيه هو اللي بلغني اوصلهولك
مديت ايدي واخدته منها وبرعشه في صوتي ونبره كلها دموع قولتلها
ش شكرا
هزت
متابعة القراءة
