اسكريبت بقلم ايمان شلبي
المحتويات
اسكريبت بقلمي ايمان شلبي
الجزء الاول
مساء الخير انا عندي ٣٥ سنه محتاجه عريس لمده سنه ومش هغرمه اي حاجه هجبله عربيه هديله مبلغ محترم مش مهم السن أو الحاله الاجتماعيه اهم حاجه يكون شخص محترم وياخد الموضوع بجد وارجو مش عايزه كلام يجرح محدش عارف انا ليه عملت كده فأرجو من حضراتكم اللي موافق يكتب كومنت وينزل صوره ليه وانا هدخل أكلمه وشكرا
اكتر من شخص دخل برايفت يكتبلي كلام ميصحش يتقال
لكن ما بين كل دول كان في يمكن خمسين شخص اخدين الموضوع علي محمل الجد وبالفعل بيبعتوا صور ليهم لكن في الحقيقه مكنتش مرتاحه لاي شخص منهم
كنت بكتبه والدموع نازله علي خدي صعبان عليا نفسي واللي زاد دموعي كلام الناس اللي في الكومنتات واللي كأنه سكاكين بتغرز في قلبي !
قفلت الفون ورميته علي السرير بكل قوتي وانا بعيط بأعلي صوتي
كنت اتمني وجود ماما وبابا معايا في الوقت ده لكن اراده ربنا كانت اقوي من اي شيئ
ربنا يرحمكم
قومت من مكاني دخلت الحمام وغسلت وشي وخرجت من الاوضه ونزلت لتحت
كانت اختي اللي اصغر مني قاعده بتتكلم مع خطيبها ومبسوطه واخويا قاعد بيذاكر عشان امتحان بكره
وقفت لحظه أتأمل ملامح كل واحد فيهم بحاول استكشف أن كان في أي حزن علي ملامحهم ولا هما بخير !
في الحقيقه هما مش اخواتي هما عيالي اللي ربيتهم من وقت مۏت بابا وماما
فجأه كل حاجه اتغيرت كل الموازين اتشقلب حالها حتي حياتي اتشقلبت لحال مكنتش اتمني أوصله علي الاطلاق
الشخص اللي كنت بحبه اتخلي عني عشان شرطت عليه لو اتجوزنا مش هسيب اخواتي
اتفرغت لتربيتهم بقيت ام واب واخت بقيت كل حاجه بالنسبه ليهم اشتغلت في شركه بابا وبقيت مسؤوله عن كل كبيره وصغيره فيها
نسيت نفسي نسيت يعني ايه رفاهيه كنت برفض اي شخص يتقدملي عشان اخواتي عشان مبعدش عنهم طب ازاي ابعد عنهم وانا كل حاجه بالنسبه ليهم اكيد انا مش انانيه للدرجادي
قررت اعيش حياتي ليهم قررت اهدم احلامي الورديه اللي كنت طول عمري بحلم بيها واعيش عشان أربيهم وبس
انا وصلت لسن ٣٥ ومكونتش اسره مفيش شخص يشاركني حياتي همومي فرحي
محستش بطعم الامومه اللي اي بنت بتحسها !
اخواتي كبروا بالسرعه دي وخلاص هيسبوني لوحدي طب هعيش لمين طب عشان اي هعيش لازم اتصرف لازم الحق نفسي لازم يبقي عندي علي الاقل بيبي قبل ما اكبر ويستحيل اخلف
روحت كشفت والمفاجأة اني عندي مشاكل في الرحم ولاز يتشال
يعني خلاص كده مش هينفع اكون ام
هعيش لوحدي بين أربع حيطان
لا انا لازم اتصرف لازم اعمل حاجه لازم يبقي عندي بيبي
وبعد تفكييير وبعد معاناه وعياط وخنقه وقله حيله قررت اكتب البوست ده واهو اي شخص اتجوزه واجيب منه بيبي وخلاص
فوقت من شرودي لما سمعت
متابعة القراءة
