اسكريبت بقلم ايمان شلبي
المحتويات
صوت ماسدج في الفون بتاعي دخلت الاوضه بأقصي سرعه وانا من جوايا حاسه ان الماسدج دي هتغير حياتي يمكن للاحسن!
دخلت فتحت الفون كان شخص باعتلي صوره ليه وكاتب
السلام عليكم انا اسمي حمزه عندي ٣٧ سنه مش متجوز شغال محاسب في شركه شوفت البوست بتاع حضرتك ومستعد لطلباتك مش محتاج اي حاجه ولا عربيه ولا شقه ولا غيره كل اللي محتاجه مبلغ اجهز بيه اخواتي البنات اتمني الرد في اسرع وقت
ده حمزه اللي شغال محاسب في شركتي في الحقيقه قابلته يمكن مرتين بالتقريب لكن حسيته شخص محترم
وبدون تردد كتبتله العنوان اللي هنتقابل فيه والمعاد وانا قلبي بيدق بړعب حقيقي
قفلت الفون ولبست اقرب حاجه قدامي وخرجت من البيت بعد ما عرفتهم اني عندي شغل مستعجل
روحت الكافيه وقعدت استناه
مش باين عليه السن ابدا وكأنه عنده ٢٥ سنه !!
كان واقف متوتر بيبص يمين وشمال بيدور عليا
عينه جت في عيني ف اتوتر ولف بجسمه
ضحكت بسخرية علي رد فعله أصله ميعرفش أن انا اللي جاي يقابلها وهيعرف منين وانا كاتبه البوست من اكونت مجهول !
بلعت ريقي وغمضت عيني بقوه وانا بهمس
ح حمزه
لف ليا وهو بيفر ك أيده بتوتر
ا احم ازي حضرتك يا سندس هانم
حطيت وشي في الأرض بأحراج
بخير
ضحك بتوتر
ص صدفه سعيده اني اقابل حضرتك
رفعت عيني وانا بقول بهدوء
بس هي مش صدفه
رد باستغراب
مش فاهم
حاولت اتماسك وانا برد بكل هدوء
انت جاي تقابلني انا ياحمزه
رد بصدممه
انتي !
بصيت حوليا باحراج
ممكن نقعد وانا هفهمك
ت تمام
قعدنا علي الطربيزه وفضلنا في حاله من الصمت التام يمكن لمده خمس دقائق
في الحقيقه مكنتش عارفه ابدء منين !
هقوله ايه ياتري اعرفه الحقيقه كامله ولا اكذب واقول اي مبرر
اخدت نفس وانا ببصله بثبات
رد بهدوء
اكيد طبعا متقلقيش
ممكن اعرف ايه اللي يدفعك تتجوز واحده زي
رفع رأسه وبصلي وهو بيفرك أيده بتوتر
ز زي ما قولت لحضرتك في الماسدج
عايز تجوز اخواتك البنات
بالظبط
انت مش مرتبط
ابتسم بسخرية
كنت مرتبط
وسيبتها ليه!
بص قدامه بحزن
هي اللي سابتني
ليه
رد بنبره كلها ۏجع
اتنهدت بحزن وانا ببصله بشفقه
اتجوزت حد تاني
رد بشرود وعيونه بتلمع بالدموع
عندها دلوقتي حمزه
رديت بذهول
سمت ابنها علي اسمك!!
تخيلي
ولما هي بتحبك ليه مستنتش
رد بسخريه
كانت هتستني العمر كله جنبي
رديت بحزن وانا بفرك ايدي
ربنا يعوضك
ممكن أسأل حضرتك سؤال
بصتله وانا ببتسم بهدوء
عارفه سؤالك ومن حقك تعرف إجابته ايه
انا عايزه اتجوز عشان اجيب بيبي
بيبي !!
أه
يعني أنتي قصدك أننا نتجوز وتخلفي مني وبعدين اطلقك واخد فلوس وعربيه وشقه
هزيت راسي
ايوه
قام وقف وهو بيبصلي بأحتقار
وانتي فاكره أن في شخص ممكن يستغني عن ابنه أو بنته
رديت بغرور
هتقبض تمنه غالي
ليه هو انا هخلف بنت او ولد عشان أخليهم تجاره
هيعيشوا احسن عيشه
استحاله اوافق
بصيت له
متابعة القراءة
