قصه كامله بقلم ايمان_شلبي
قلبك قلب رمانه بقي!
غمزلي بمشاكسه
بس دلوقتي بقي قلب منجايه
مفيش جواه غير واحده بس
رجعت سندت راسي علي رجله وانا ببتسم بخجل وبسكت
الفون بتاعي رن
كان رقم غريب
رديت باستغراب
الو
سنه حلوه
ياجميل سنه حلوه ياجميل
ضميت حواجبي في بعض بأستغراب
مين معايا
معقوله مش عارفه صوتي نسيتي الحب اللي كان!
هتقول انت مين ولا اقفل السكه
لاقيت سالم بيشاورلي اني اسلمه الفون
اخده من ايدي ورد بجمود
الو
ازيك يا سالم بيه
جز علي اسنانه وهو بيبصلي
عايز ايه يافهد
رد بأستفزاز
ولا حاجه عيد ميلاد حبيبتي بكره قولت ابقي اول واحد يعيد عليها!
رد بهدوء
انت مش مكفيك الشهر اللي اتسجنته شكلك محتاج شهر كمان
ولا شهر ولا غيره انا معملتش حاجه
انا متعود كل سنه اكلمها في نفس المعاد
طب مشوفش رقم اهلك هنا تاني وإلا هتزعل مني
متشكرين علي المعايده اللطيفه دي نردهالك في الاحزان باذن الله
قفل في وشه وبصلي
كانت ملامحي متوتره وباين عليا الخۏف
حط الفون علي التربيزه وبصلي وسكت لحظه
ف في ايه ا انا معملتش حاجه والله انا عرفت أن هو من نبره صوته بس حبيت اوضحله انه مش فارق وان صوته حتي نسيته!
انا عارف انك معملتيش حاجه ومبسوط من رد فعلك
اخدت نفس عميق وانا بسند ظهري علي الكنبه
طب الحمد لله
ليه مقولتليش
علي ايه
ان عيد ميلادك بكره
هزيت اكتافي بابتسامه باهته
عشان مش بحب اليوم ده
ليه ياحبيبتي
قالها وهو بيمسك ايدي وبيضغط عليها
اترميت في حضنه وسندت راسي علي صدره وانا بغمض عيوني
بس فهد قالي أنه متعود كل سنه يكلمك في نفس المعاد يقولك كل سنه وانتي طيبه
بعدت عنه وانا برد بعصبيه
كذاب هو عمره ما افتكر عيد ميلادي
ببساطه لاني حطيت التاريخ علي الاكونت من حوالي شهر مش اكتر هو اتصل علشان يعكر مزاجنا
لكن فشل ولا عاش ولا كان اللي يعكر مزاجنا!
قالها وهو بيضمني مره تانيه
تاني يوم
كلمني قالي اجهزي
مكنتش فاهمه ليه
حاولت افهم منه لكن رفض يقولي اي تفاصيل
لبست اسكيرت تايجر
بلوزه سوداء
طرحه سوداء
نزلت كان في عربيه سودا قالي اركبها علشان توصلني عنده
ركبت وشويه ووقفنا قدام كافيه
نزل السواق فتحلي الباب
شاورلي ادخل الكافيه
بدأت اتوتر
دخلت وركبي بتخبط في بعض
الناس اللي شغالين في الكافيه اول ما شافوني شاورولي اطلع الدور الاول!
بلعت ريقي وطلعت وقلبي مع كل خطوه بيدق پخوف
اول ما وصلت وقفت مكاني پصدمه
كان سالم واهلي وأهله
كلهم واقفين حوالين ترابيزه عليها تورته كبيره بصورتي
وحلاويات ومشروبات وهدايا كتير وصوري متعلقه في كل مكان في الكافيه!
في البدايه مستوعبتش
فركت عيوني اكتر من مره
انا بحبك
اتعلقت في رقبته وانا برد بفرحه
انا كمان
بحبك اوي يا سالم اوي
سالم
سند رأسه علي راسي ورد بهمس
عيون سالم
شكرا
علي ايه انا معملتش حاجه
لا عملت
رفعت عيوني في عيونه بابتسامه
انت قدرت تحول أتعس يوم في حياتي لأحلي يوم
عايزك تتاكدي اني موجود علشان سعادتك وبس
انا بحبك اوي
بقى انتي يانجمة يا نقيه يا عاليه ياصعبه ياعصية
بقا انتي تفكري فيا
بقى انتي تطيبي خاطري
وتيجي طريقي وتخاطري
وقلمك يمشي على سطري ويكتب أيوه قلبي معاك!
سكنت_قلبي
ايمان_شلبي
