قصه كامله بقلم امنيه اشرف

هتفضلي ترفضي اي واحد يتقدملك 
موده قولتلك يا ماما ألف مره مش عاوز اتجوز 
ام رحمه پغضب نعم يا اختي ...يعني اي مش عاوزه تتجوزي اومال هتفضلي قعدالي ولا اي 
لا انا مينفعش معايا الكلام دا انا مش ناقصه ۏجع قلب كفايه حرقه قلبي ع اختك الله يرحمها 
موده بحزن الله يرحمها ....يا ماما انا مستعده اعمل اللي انتي عاوزاه بس هسيب أنس لمين 
ام رحمه يعني اي تسبيه لمين ...أنس بكره ابوه ياخده انتي فاكره ان هو هسيبهولنا طول العمر ولا ايه... وانا بصراحه هديولها هو الأحق بابنه لا انا ولا ابوكي عايشين العمر كله 
موده
لا طبعا يا ماما انتي بتقولي ايه
احنا الأحق بأنس مالك اصلا مش هيعرف ياخد باله منه 
ام رحمه يا بنتي مالك مسيره في يوم يتجوز ويجيب لابنه ام تربيه 
موده انتي بتقولي اي يا ماما انا عمري ما اسمح ابدا.... ان ابن أختي تربيه واحده غربيه
ام رحمه تسمحي ولا متسمحيش انتي داخلك اي اصلا ابنه وهو حر فيه 
قطع كلامهم دخول عبدالرحمن صوتكوا عالي ليه 
ام رحمه تعالي يا اخويا شوف بنتك ..انا تعبت منها ومعدش عندي خلق استحمل 
عبدالرحمن في اي يا موده مزعله أمك ليه 
موده يا بابا بتقول كلام يجنن ..قال اي مالك هيتجوز وياخد أنس يربيه 
عبدالرحمن ما دا الصح يا بنتي ودا اللي المفروض يحصل 
موده پغضب حتي أنت يا بابا بتقول كدا 
عبد الرحمن يا بنتي افهمي مالك لسه في عز شبابه واكيد محتاج زوجه وكمان أنس محتاج ام 
موده يا بابا مالك يعمل اللي هو عاوزه انا مشكلتي في انس انا مقدرش استغنی عنه من يوم ما اتولد وهو في حضڼي مش هقدر أفرط فيه بسهوله ...مستحيل اصلا اعملها 
عبد الرحمن خد نفس طويل بصي يا بنتي طالما انتي مش هتقدري تسيبي أنس وكمان مش راضيه تتجوزي عشانه يبيقی الحل الوحيد هو انك تتجوزي مالك 
موده بذهول بابا انت بتقول اي لاا طبعا ...مستحيل مالك جوز رحمه مقدرش اتجوزه 
عبد الرحمن بهدوء رحمه دلوقتي عند اللي احسن مني ومنك ..والحياه مبتقفش علي حد ..الحياه بتستمر ...انا مش بغصبك علي حاجه انا بس بقولك علي حل يريح جميع الأطراف سواء انتي او أنس او مالك 
موده لاااا بردو يا بابا مستحيل أقدر اعمل كدا 
عبدالرحمن فكري الأول قبل ما تاخدي اي قرار 
ومتنسيش تفكري في انس ومصلحته 
بعد اسبوعين 
عبد الرحمن كلم مالك وقاله انه عاوزه في موضوع مهم ومالك راح يشوفه عاوزه ليه 
مالك ازيك يا عمي 
عبد الرحمن أهلا يا مالك يا بني اتفضل 
مالك دخل وقعد مع عبد الرحمن 
مالك خير يا عمي قولتلي انك عاوزني 
عبد الرحمن خير إن شاء الله 
بص يا بني انا راجل دوغري وعارف أن الحياه ما بتقفش ع حد وانت لسه صغير ومن حقك تعيش حياتك 
مالك انا مش فاهم يا عمي أنت قصدك اي 
عبد الرحمن قصدي انك لازم تتجوز 
مالك بس يا عمي انا مبفكرش في الموضوع دا دلوقتي 
عبد الرحمن يا بني ان مكنش عشانك فعشان ابنك 
ابنك محتاج يعيش حياه مستقره مع أب وام وانا وام رحمه مش هنعيش العمر كله النهارده موجودين بكره الله أعلم 
مالك ربنا يبارك في عمركوا يا عمي 
بس حقيقي مش سهل اني اجيب مرات اب لابني ومش سهل ان الاقي واحده ترضي تتجوز واحد ارمل ومعاه ولد 
عبد الرحمن بهدوء من الناحيه دي متقلقش 
موجوده اللي قابله بيك أنت وابنك وبالأخص ابنك 
مالك بدهشه مين دي 
عبد الرحمن موده بنتي 
مالك ايه مودة...طب ازاي ..احم بس يا عمي هي موده هتوافق قصدي انها لسه صغيره ومن حقها تعيش حياتها وترتبط باللي يستاهلها ..مش تتجوز واحد كان متجوز قبل كدا ومعاه ولد 
عبد الرحمن ان كان ع هي موافقه ولا لا فهي موافقه
وانا مكنتش هتكلم معاك في الموضوع إلا ما اخد رأيها الأول ...بس في حاجه عاوزك تفهمها موافقه موده ع الجوزاه دي سببها الأول والوحيد هو أنس هي مش عاوزه تسيبه ولا تخلي مرات اب تربيه وهي خالته ومفيش أحن منها عليه 
مالك اكيد يا عمي انا فاهم كدا كويس هو مش سهل عليها أنها تتجوز جوز اختها 
عبد الرحمن اكيد يا بني المهم نكتب الكتاب كمان أسبوع وبعد كدا تاخدها هي وابنك ع بيتك ومش هوصيك بنتي تحطها في عينك انا مبقاش عندي غيرها ....واصبر عليها لحد ما تتعود عليك وعلي حياتها الجديده 
مالك ان شاء الله يا عمي ومتقلقش ان شاء الله هشيلها هي وانس في عيوني 
وفعلا كتبوا الكتاب بعد اسبوع في جو عائلي بحت ومن غير اي مظاهر للبهجة
فاقت موده من شرودها في الماضي ع صوت مالك بيقولها مودة وصلنا
يتبع..
الحلقة الرابعة
فاقت موده من شرودها في الماضي ع صوت مالك بيقولها موده وصلنا 
وقف العربيه ونزل فتحلها الباب ونزل الشنط 
دخلوا العماره وطلعوا شقتهم موده دخلت شقه مالك اللي اول مره تدخلها برغم انها كانت شقه اختها إلا انها عمرها ما شافتها قبل كدا كانت شقه جميله بألوان هاديه مريحه للعين بس هي ليه مش مرتاحه حاسه انها مش في مكانها هي مجرد بديل لاختها بديل زوجه وبديل ام 
هتفضل طول عمرها بديل ومش هتبقی الأصل ابدا 
مالك دخل الشنط وقفل الباب 
موده خدت نفس طويل واتكلمت بهدوء فين أوضه الأطفال 
مالك شاور لها علي مكانها وهي شالت شنتطها بأيد وانس بأيد ودخلت أوضه الأطفال من غير اي كلمه 
تانيه وكأنها بتثبت لمالك ان وجودها عشان انس وبس 
دخلت أوضة الاطفال او بمعني اصح اوضه أنس 
كانت اوضه فيها سريرين وكمود ودولاب صغير بألوان لبني في ابيض وعلي الحائط روسومات لشخصيات كرتون
نيمت
أنس علي سرير وفتحت شنتطها طلعت منها هدوم لها وغيرت ونامت جنب انس 
تاني يوم 
صحيت جهزت نفسها وغيرت لأنس واكلته وطلعت من الاوضه كان مالك في المطبخ بيعمل قهوه 
قربت منه بهدوء وقالت صباح الخير 
مالك ابتسم صباح النور ...اعملك قهوه معايا 
موده خليك وانا اعملها ..بس خد بالك من انس 
مالك ماشي هاتيه 
مالك خد أنس وموده وقفت تعمل القهوه وهي بتراقب مالك اللي بيلاعب انس وانس بيضحك بصخب 
عملت القهوه وطلعت كيك مامتها كانت عملتوا ليها 
وقعدوا يفطروا في صمت 
مالك اتكلم هتروحي المستشفي النهارده 
موده ايوا هروح انا جاهزه اصلا 
مالك طب تمام نروح سوا 
خلصوا فطار ونزلوا عشان يروحوا شغلهم في المستشفي
قضوا الطريق في صمت تام وصلوا المستشفي وكل واحد راح في طريقه 
موده دخلت صيدليه المستشفي قابلتها ساره صاحبتها اللي اتفاجأت بيها 
موده صباح الخير 
ساره يا هلا بالعروسه اي اللي جابك 
موده ضحكت عروسة اي بس اومال لو مش عارفه الحكايه من أولها كنتي قولتي ايه
ساره ماشي عارفه كل حاجه وعارفه سبب جوزاكم بس بردو انتي عروسه 
موده ساره قفلي بقا ع الكلام دا 
ساره يا بنتي مش لازم افهم ...طب قوليلي احساسك اي بعد ما اتجوزتي مالك 
موده بحزن ولا اي حاجه 
ساره ايه بس دا مالك 
موده اتنهد بضيق بصي يا ساره في مقوله ل د .أحمد خالد توفيق بتقول أخبروا الاشياء المتأخره أن قدومها لم يعد مرحبا به فقد فات أوان اللهفه وأن مجيأها الان بعد انطفاء الشغف لن يجعلني الټفت مهما بلغت