روايه كامله بقلم فريده احمد
اللي واقفه وباسها علي راسها
بص حازم علي كاميليا وقالها.. ازيك يا كاميليا
كاميليا ببتسامة .. الحمدلله . انت عامل ا..
مكملتش الكلمة لما لاقيته بيبص لريم بحب
وبيقولها .. عامله ايه ياحبيتي . انتي كويسة
ريم .. انا تمام ياحبيبي
شهيرة .. هخليهم يحضرولكم العشا ياحازم ريم قالت مش هتاكل غير معاك
ريم .. انا لسه راجعه وقولت ناكل مع بعض
شهيره نادت علي الشغالين يحضرو العشا
وحازم خد ريم وهو طالع قال .. ابقي ابعتيه فوق ياماما
شهيره .. حاضر ياحبيبي
....
وبمجرد ما حازم وريم دخلو الاوضة حازم حط مفاتيحه على الترابيزة اللي جمب الباب
وبعدين قرب منها وقالها .. وحشاني اوي
في الوقت ده طلعت كاميليا وقبل ما تدخل عند هنا اوضتها
لاقت اوضة حازم مفتوحة وقفت قصادها وهي شايفه حازم وريم غايبين مع بعض في دنيا تانية
فضلت واقفة تبص عليهم پحقد
بعدين لاقت حازم اللي كان ضهره للباب بدأ يرجع شعر ريم لورا
اتكلمت ريم بهمس وهي حضناه .. حازم الباب مفتوح
استني هقفله
بعد حازم بصعوبة وقالها .. روحي
قربت ريم من الباب وابتسمت لكاميليا بسخرية وبعدين قفلت الباب في وشها
دخلت كاميليا عند هنا الاوضة وهي مش طايقة نفسها
هنا وهي قاعدة علي السرير بتقلب في تليفونها قالتلها .. مالك يا كاميليا مش طايقه نفسك ليه ومش علي بعضك
هنا باستغراب .. هما مين
كاميليا بغل .. اخوكي ومراتو
هنا بزهق .. اديكي قولتي مراتو . فكك بقا
كاميليا بعصبية .. يعني ايه . يعني خلاص .
بعدين قالت پجنون .. المفروض انا اللي مكانها . انا اللي ابقي معاه مش هي
ثم اكملت پحقد .. استحالة اسيبهم كده . استحالة
هنا .. مش فاهمه
كاميليا .. انا اللي مش فهماكي . هو انتي مش زعلانه
هنا بلامباة .. من ايه وعلي ايه
كاميليا .. انك اتطلقتي مثلا
هنا .. دا علي اساس ايه اني مش كنت أنا اللي طالبة الطلاق مثلا
كاميليا .. أيوة بس انتي مش مضايقة انو استسلم بسرعة كده
.. لأ مش مضايقة . وبعدين أنامتأكدة ان كلها يومين وهيجيلي ويحاول يرجعني وهو بيطلب مني السماح لأني واثقة ومتأكده أن تامر عمره ماهيقدر يستغني عني .
و بردو مش هرجعله
....................................................
تاني يوم
عند وائل في مكتبه
أميرة دخلت وهي بتقول ببتسامة .. صباح الخير
وائل بصلها بغموض وبعدين قام من علي كرسي المكتب وقرب عليها ببتسامة وقال .. صباح الجمال . عاملة ايه ياحبيبتي
أميرة .. كويسة ياحبيبي
باسها وائل علي راسها وقالها بهدوء .. دايما ياروحي
قربت أميرة اكتر وهي بتقول بدلع .. ربنا يخليك ليا . انا بحبك اوي
وبعدين قالت .. هو احنا هنرجع دبي امتا بقا
وائل اتنهد وقال بشرود .. قريب
وبعدين اتحرك وراح قعد علي الكنبة اللي موجوده
وائل كان باين علي ملامحه انو مهموم
قربت أميرة وقعدت جمبه وسألته .. مالك ياوائل . في حاجة مزعلاك
وائل خد نفس وقال وهو بيصتنع الحزن .. انا واقع في مشكله يا اميرة ومش هقدر اسافر غير لما اخلص منها
أميرة باهتمام .. مشكلة ايه . احكيلي يمكن اقدر اساعدك
اتنهد وائل وقال .. في منافس اجنبي لشركتي ماسك عليا ورق يوديني في داهيه
أميرة .. ورق ايه ده
وائل .. ورق مزور . انا اساسا ماشي كويس وشغلي كلو في النضيف انتي شغالة معايا وعارفه . بس هو بقا عمل كده علشان يساومني . يااسيبله المناقصة يايسجني بالورق ده
أميرة بحيرة .. طيب وهتعمل ايه
وائل .. مفيش غير حل واحد اني اقدر اوصل للورق ده واجيبه منو
أميرة .. وهتاخدو منو الزاي
وائل .. هتنازل واجي علي نفسي واروحله واحاول اتعامل معاه كويس وحتي لو هعرض عليه فلوس هحاول اقنعه بأي شكل يديلي الورق ده
أميرة .. تمام وانا معاك
وائل .. لأ طبعا انتي بعيد عن الموضوع ده . انا بس حبيت احكيلك لأنك خلاص بقيتي نصي التاني وبحب اشاركك
لكن انا مش هعرضك لحاجة زي دي
أميرة بإصرار .. وانا مش هسيبك .اولا زي انت ماقولت اني خلاص بقيت نصك التاني . ثانيا بقا انت ناسي اني سكرتيرتك وشغالة معاك . يعني انا المفروض اكون معاك في كل حاجة
وائل لسه هيتكلم
أميرة قاطعته .. خلاص ياوائل قولتلك هبقي معاك ومش هسيبك
مسك وائل ايديها وباسهم وقالها .. ربنا يخليكي ليا
أميرة ابتسمت
..............................................
عند تامر مساءا
تامر واقف في بلكونة اوضته وبيشرب قهوة بشرود
فاق علي صوت الباب
تامر .. ادخل
انجي دخلت .. تامر
تامر لف وبصلها .. تعالي ياحبيبتي
انجي راحلته
فتح تامر ايده وحاوط كتفها وباسها علي راسها وقالها .. عامله ايه
انجي .. كويسة الحمدلله
انجي بصتله وهي بتقول بتردد ..هو انتا خلاص طلقت هنا . مفيش امل ترجعو
تامر .. احنا خلاص مش هينفع نعيش مع بعض تاني . كده احسن . كمل وقال بشرود دا اللي المفروض كان حصل من زمان
انجي .. بس هنا بتحبك
تامر ابتسم من جواه بسخرية
انجي .. صدقني أنا متأكدة ان هنا مكانتش عاوزة تطلق اصلا . هي بس اللي عنيدة شويه
تامر .. سيبك من الموضوع ده لأنو خلص خلاص متشغليش دماغك بيه ياحبيبتي
ضمھا ليه بحنية وقالها .. قوليلي انتي عامله ايه . وياسين عامل معاكي ايه . بيزعلك . لو بيزعلك قولي ومټخافيش
انجي .. لأ هو بقا كويس . و بيعاملي كويس جدا
تامر ابتسم عليها وباسها علي راسها وبعدين رجع يكمل قهوته بشرود
...........................................................
بعد يومين
وائل وأميرة راحو للشخص الاجنبي ده شقته زي مااتفقو
واستقبلهم كويس لحد ماتكلمو علي موضوع الورق
وچاك هو الشخص
طلب من وائل 5مليون دولار قصاد انو يسلمو الورق
طبعا وائل اتعصب وقالو أن المبلغ كبير
الحوار مترجم
چاك .. لا مش كبير قصاد حريتك . قولت ايه . ديل
وائل .. ممكن ننزل المبلغ ل مليون
چاك .. انا قولت اللي عندي 5مليون . او بكرة الورق هيكون قدام النيابة وائل بيه
وائل قام وهو متعصب .. لأ دي مش طريقه تفاهم
أميرة فضلت تهدي فيه لحد ما قعد تاني
چاك .. 4مليون كويس
وبص لأميرة بوقاحة وقال .. علشان خاطر القمر ده
وهو بيشاور علي أميرة
وائل لسه هيتعصب
أميرة بصت لوائل وقالتله.. علشان خاطري عديها
چاك قام وجابلهم حاجة يشربوها وقال لوائل .. اهدي واشرب وائل باشا
وبص لأميرة بأعجاب وهو بيدها كاس العصير
خدتو منو أميرة ببتسامة وبدأ تشرب
لحد ماحست انها دماغها تقلت وفجأة حست أن جسمها مشلۏل لكن كانت صاحية بس مش واعية
وائل قام هو وچاك وشالوها ودخلوها اوضة النوم
وبعدها وائل قال .. كده تقدر تنفذ اللي اتفقنا عليه ومتقلقش حازم بيقولك اتطمن مش هو هيسيبك
وبعدها خرج
من الاوضة ومن الشقة كلها
