روايه كامله بقلم فريده احمد
انا اقدر اعيش من غيرك
صدقيني .
شيرين .. الزاي . ما انت قدرت فعلا. انت طلقتني وكأنك ماصدقت
امجد هز راسه وقال .. لأ . مقدرتش انا كنت بټعذب في بعدك .. انا بس كنت زعلان منك .
وكمل بعتاب .. ليه عملتي كده ياشيرين
ليه كدبتي عليا وحرمتيني من اني يكون عندي ابن منك
شيرين دموعها نزلت وهي حاسه بالندم وقالت .. انا اسفه
بصتله وقالت .. ليه . انا قصرت معاك في ايه
امجد مسح دموعها وقالها .. عمرك ماقصرتي . وانا عمري مالمست غيرك صدقيني ياشيرين
شيرين .. انك تبص لغيري وتسمح لنفسك تسهر مع ستات
دي تبقي خېانه ياامجد . ماتبررش الخېانة علي مزاجك
انا اساسا محبيتش في عمري غيرك ياشيرين . وصدقيني مشوفتش غيرك ولا كنت بشوف غيرك قدامي ولا واحدة تملي عيني زيك
.................................
مساءا
في الفيلا
يارا كانت لابسه ونازلة
شهيره قابلتها .. علي فين كدة
شهيره .. دلوقتي . انتي عارفه الساعه كام دلوقتي . الساعة ١١. ولما تخرجي دلوقتي هترجعي امتا
يارا .. مش هتأخر ياماما . انا هقابل صحابي في كافيه هنا قريب من الفيلا ومش هتأخر صدقيني . هي نص ساعة بس
شهيره برفض .. لأ ولا دقيقة حتي
يارا بسرعة قالت .. علشان خاطري ياماما صدقيني مش هتأخر والكافيه قريب . عشان خاطري
يارا هزت راسها وقالت .. مش هتأخر
شهيره هزت راسها بالموافقة ويارا باستها وخرجت بسرعة
يارا بعد ما خرجت من باب الفيلا وماشيه فجأة لاقت حازم في وشها بيوقف بالعربيه
يارا كانت لسه هتتحرك وهي بتسحب نفسها قبل مايشوفها بس حازم كان شافها فعلا
حازم .. يارا
يارا وقفت مكانها وقالت بتوتر .. ن نعم
يارا قربت بتوتر
حازم .. رايحة فين
يارا بتوتر قالت .. خ. خارجة مع صحابي
حازم .. انتي عارفه الساعه دلوقتي كام ولا لأ
يارا سكتت
حازم بهدوء .. ادخلي جوه
يارا .. انا مش هتأخر والله
حازم پحده .. سمعتي انا قولت ايه ادخلي . وعلي اوضتك
يارا دخلت من غير ما تنطق بحرف وطلعت علي فوق علطول
يارا بضيق وهي طالعه .. ابنك رجعني . علشان تستريحي ياماما
يارا فتحت باب اوضتها ودخلت وهي مش طايقة نفسها
تحت
حازم كان دخل
حازم قرب من مامته اللي قاعده قدام التلفزيون وقالها .. انتي ازاي ياماما سيباها تخرج في وقت زي ده
شهيره .. مقدرتش عليها والله ياحازم
حازم .. مفيش حاجه اسمها كده . لازم تمنعيها
حازم وهو مش مصدق .. انا مش عارف الزاي توافقيلها تخرج في ساعة زي دي
شهيره بتفهم .. عندك حق . انا غلطت فعلا اني وافقت انها تخرج
شهيرة .. بس هي قالت انها مش هتتأخر ومش هتبعد عن البيت . علشان كده سيبتها
حازم .. مينفعش اللي بتقوليه ده لازم تشدي عليها شويه
مينفعش تخرج في وقت متأخر . ومينفعش تتأخر بره . ولازم تبقي عارفه بتخرج تروح فين وبتقابل مين . وتبقي عارفة صحابها اللي بتمشي معاهم كويسين ولا لأ
حازم .. لازم تكوني عارفه كده ياماما ماينفعش تسيبيها كده
شهيره .. عندك حق . انا فعلا مدلعاها
حازم .. والتانيه ياريت تعقليها ترجع لجوزها
شهيرة .. لأ التانية دي بقا ياريت تكلمها انت هي هتسمعلك لأني غلبت معاها ومفيش فايدة . منشفة راسها ومصممة تطلق ..انا تعبت معاها . دي حتي مرات عمك جات واتكلمت معاها ولا سمعتها
شهيره اتنهدت وقالت .. المهم طمني علي شيرين عامله ايه فاقت
حازم هز راسه وقال. .. ايوا الحمد لله
شهيرة بفرحة .. بجد . الحمدلله .. انا كنت زعلانه عليها اوي . ربنا يشفيها وترجع هيا وجوزها بقا
.............................................
عند شيرين في المستشفى
كانو ندي وريم قاعدين معاها بعد مااتنقلت من العنايه لغرفة عادية بعد ما الدكتور كشف عليها وطمنهم
ريم بلوم .. انا زعلانه منك . ليه عملتي في نفسك كده
قولتلك بلاش تاخدي كتير من ادويه الاكتئاب دي خطړ علي صحتك . وانتي مهمكيش ومخوفتيش علي نفسك . ليه كده . انتي بټأذي نفسك وانتي عارفه انك كده هتضري ... للدرجادي مش پتخافي علي نفسك
ندي .. لأ هي شيرين اكتر واحده سلبية ممكن تقابليها في حياتك
ندي بصت لشيرين وقالتلها .. ليه كده . طيب مفكرتيش في نفسك . فكري في اللي حواليكي . الناس اللي بتحبك
شيرين بتعب .. خلاص ياندي
ندي .. لأ مش خلاص . احنا مش مسامحينك انتي وقعتي قلبنا ياشيخة
ريم قربت وقالت .. كنت ھموت عليكي بجد
شيرين .. بعد الشړ عليكي ياحبيبتي
ندي قامت هي كمان مع ريم وقالت .. وانا هونت عليكي هونت عليكي انا ماليش غيرك
شيرين .. ربنا يخليكو ليا
ندي وريم بعد ما بعدو الاتنين في صوت واحد
قالو .. هتوعدينا ماترجعيش للادويه دي تاني
شيرين هزت راسها .. حاضر
ريم .. امجد كان ھيموت من القلق عليكي علي فكره
شيرين ابتسمت بحزن
...................................................
بعد يومين كانت شيرين اتحسنت كتير وخرجت من المستشفى
.....
في الفيلا عند اهل حازم كانو كلهم متجمعين علي السفرة
وريم كانت معاهم
حازم .. احم بابا مش كفاية كدة ونخلي الفرح الاسبوع اللي جاي
مراد كان لسه هيتكلم
بس شهيرة بسرعة قالت قبل ما يتكلم .. اه انا كمان بقول كفاية كدة مينفعش يكونو متجوزين وكل واحد فيهم عايش في مكان . هما كده كده متجوزين لازمته ايه التأخير بقا
مراد بص علي ريم لاقها موافقة
مراد .. تمام
شهيرة .. تمام ايه
مراد بهدوء .. الفرح بعد يومين
كلهم مكانوش مصدقين
مراد .. بكرة بإذن الله تنزلو تجيبو الشبكه وبعد بكرة الفرح
ريم كانت لسه هتتكلم
شهيره فهمت هي عاوزة تقول ايه وقالتلها .. متقلقيش كل حاجه جاهزة .حتي الفستان اللي اختارتيه كلموني من بره وقالولي انو جهز
شهيره بصت لمراد وقالت .. اهم حاجة كلملنا الجواهرجي يحضرلنا حاجة كويسة علي بكرة
مراد هز راسه
ياسين .. وانا يابابا
مراد .. انت ايه
ياسين .. عاوز اعمل فرحي انا كمان
مراد .. لأ انت منك لعمك
ياسين .. ما انا عاوزك تكلمه وتقنعه يوافق
شهيره .. ماتكلمه يامراد
مراد .. شريف مش هيوافق وبعدين جواز ايه دلوقتي لسه انجي بتدرس وشريف عمره ماهيوافق يجوزها قبل ماتخلص دراسة
شهيره .. وفيها ايه تكمل بعد الجواز . كلمه مش هتخسر حاجة مش يمكن يوافق
مراد .. هيرفض انا عارف وبعدين احمدو ربنا انو وافق على الخطوبه
..............................
تاني يوم كانو مراد وشهيرة في العربية تحت بيت ريم مستنين ريم تنزل هي وسحر علشان يجيبو الشبكة
وحازم كان واقف ساند علي عربيته لحد ماريم وسحر نزلو
وقربو عليهم
حازم اول ماشاف ريم اټصدم
حازم غمض عينه پغضب وهو بيحاول ميتعصبش عليها وبعدين قرب عليها وسحبها من ايدها بهدوء لحد باب العمارة
ريم بعدم فهم قالتلو .. في ايه وساحبني ليه كده
حازم بص عليها پغضب وقالها .. ايه اللي انتي لابساه ده
ريم .. مالو اللي انا لابساه ما انا
