اسكريبت كامل بقلم روان احمد

وحكموا عليا انى هتجوزه فكرت اهرب قبل كدا بس كانوا دايما حواليا وحتى لما بنام بيقفلوا الباب بالترباس عليا بالليل علشان ما اخرجش او اعرف اهرب مالقيتش فرصه غير دى وفعلا هربت ومالقتش قدامى غير العربيه اللى جينا فيها علشان كدا جريت ركبت عربيتك وانا اسفه لانى دخلتك فى مشكله زى دى .
اتنهد وقال بحزن باين فى صوته واللى فى وشك دا من ايه .

حسست بايدى على خدى الوارم وقولت والدموع خانتنى ونزلت منى دى مرات عمى ضربتنى يوم الحنه علشان مكونتش عايزه البس واخرج اقابل الناس راحت ضربتنى قلم ولبستنى ڠصب عنى....
دول اهل دول استغفر الله العظيم يارب 
...........
اتكلم انتى اسمك ايه 
أمل اسمى أمل .
وانا عامر .
انا اسفه مره تانيه وانا هنام النهارده بس وبكرا همشى .
هتمشى تروحى فين .
بلاد الله واسعه يا استاذ عامر ..
طب ممكن تيجى معايا وتقعدى مع ماما وبابا ومتقلقيش مفيش حد من اهلك هيعرف طريقك .
طب افرض دورا عنك علشان هربت معاك .
متقلقيش انا معروف هنا لكن فى البحيره محدش يعرفنى لانى بقضى معظم وقتى هنا ومش معرف حد مكان بيتى فين .
طمنتنى بس اهلك وهبقى تقيله عليكوا كدا .
متقلقيش يستى من ناحيه اهلى و رزقى ورزقك على الله ....
احم طب هتنام فين النهارده .
لا مفيهاش نوم احنا يادوب نلحق علشان ورانا سفر انا هجهز العربيه وهستناكى تحت .
ابتسمت ليه وهو لف ومشى ناديت عليه التف نحيتى وقال نعم .
اتكلمت انا بجد بشكرك على وقفتك جنبى يا استاذ عامر .
اتكلم بابتسامه العفو ومفيش القاب بين الاخوات ولا ايه .
ابتسمت وقولت عندك حق انا هجهز وهنزلك حالا.
لبست الطرحه بتاعت فستان الفرح علشان ادارى شعرى ونفس اللبس اللى الموظفه ادهولى ونزلت لقيته واقف شافنى راح فتح الباب اللى جنب السواق وركبت ولف ركب وساق فتره السكوت عمت علينا فحطيت دماغى على ازاز العربيه وسرحت فى الطريق ...
لقيت اللى بيهز كتفى بخفه وبيقول بصوت حنين امل قومى يا امل يالا .
فوقت وبصيت ليه وقولت احنا وصلنا انا نمت كتير باين.
اتكلم لا لسه ما وصلناش احنا فى استراحه وانتى نمتى حوالى ساعه كدا .
هزيت راسى بتفهم وقولت طب احنا قدامنا قد ايه ونوصل .
ابتسم وقال حوالى 4 ساعات ونوصل .
4 ساعات لااا دا احنا ربنا معانا بقا ...
ضحك على كلامى وقالى انه هينزل يجيب حاجه ناكلها وهيرجع ...
جاب اكل اكلنا والصراحه كنت مېته من الجوع وبدا يتحرك بالعربيه تانى ...
قطعت الصمت وقولت ما تعرفنى عن نفسك بدل الصمت دا .