روايه كامله للكاتبه ملك ابراهيم

معاها والحاجة كانت بتبصلها بحنان ام وصعبة عليها فريدة ان هي يتيمة الام وحست انها محتاجة ام في حياتها تعلمها كتير اوي 
بعد ما خلصوا كانت فريدة بهدلت العبايه بتاعها بالدقيق وكان في دقيق على وشها وكانت فرحانه بالانجاز اللي هي عملته النهارده وخصوصا انها قعدت قدام الفرن البلدي وخبزت عيش واتكلمت معاهم بسعادة انتوا هتعملوا عيش امتى تاني

ردت الحاجة احنا بنخبز العيش بتاعنا صابح كل يوم 
فريدة بحماس بجد يعني ممكن لو قعدت هنا لحد بكره تخلوني اعمل معاكم تاني انا بصراحة نفسي اوي ارفع الفطير لفوووق ولما انزله يكبر زي ما طنط الحاجة بتعمله كده 
الحاجة ضحكت من قلبها وهنادي ضحكت وقالتلها طبعا يا ست البنات وتأكلينا من ايديكي احلى فطير كمان 
ابتسمت فريدة بسعادة والحاجة قالتلها اطلعي انتي يا فريدة غيري عبايتك دي وانزلي عشان نفطر مع بعض 
بصت فريدة للعبايه پصدمة وبصت ل هنادي بحزن وقالتلها انا اسفه اوي يا هنادي بهدلت العبايه بتاعك 
هنادي بابتسامة فداكي مليون عبايه يا ست البنات تعالي معايا اجبلك كام عبايه من عندي تلبسي فيهم برحتك 
بصتلها فريدة بامتنان وقالتلها شكرا ياهنادي انا حقيقي مش عارفه اشكرك ازاي 
ردت هنادي احنا هنا مفيش بينا فرق اللي عندك عندي واللي عندي عندك 
ابتسمت لها فريدة وطلعت معاها وفي طريقهم قابلوا مصطفى وهو نازل من اوضته 
بص مصطفي ل فريدة وقال بدهشة ايه اللي بهدلها كده
ردت هنادي بابتسامة ست البنات كانت بتخبز معانا انا والحاجة 
مصطفى پصدمة وهو بيبص ل فريدة بتخبز معاكم!!
بصتله فريدة واتكلمت بأمل هتقدر تعرف عنوان بابا خارج مصر او تجيب رقم تليفونه النهارده
رد مصطفى ان شاء الله ربنا يسهل انا بس هحتاج اعرف منك معلومات اكتر عن والدك عشان اقدر اوصله 
فريدة بحماس هقولك كل حاجة عن بابا 
اتكلمت هنادي وهي بتسحبها من ايديها خلو الكلام ده بعد ما تغيري هدومك ونفطر 
فريدة راحت مع هنادي وهي بتشاور ل مصطفى بإيديها وقالتله هنتكلم بعد الفطار 
ضحك مصطفى ونزل عشان يصبح على والدته وفريدة طلعت مع هنادي عشان تغير 
كانت الحاجة ام مصطفى قاعدة تحت وبتسبح ربنا وفي ايديها سبحة المرحوم جوزها ومصطفى قرب منها وباس ايديها بحب 
مصطفى صباح الخير يا امي 
الحاجة صباح الخير والرضا ياولدي 
مصطفي بصلها بستغراب وقال شكلك مبسوطة النهارده يا امي وشك ماشاءالله منور 
ردت الحاجة وهي بتبتسم البنت دي فيها حاجة لله بتدخل القلب وتدخل الفرحة معاها 
مصطفى بستغراب قصدك مين يا
امي
الحاجة فريدة حاسه كأنها لسه عيله صغيره وصعبانه عليا اوي يتيمة الام وشكل ابوها مسافر من زمان والبنت اتربت لوحدها ومحتاجة ام تعلمها وتوعيها عشان تعرف تعيش وسط الناس 
اتنهد مصطفي وقال انا برضه حسيت بحاجة غريبه فيها بس انا هستنا لما تنزل واعرف منها ايه حكايتها بالظبط 
ردت الحاجة انا عرفت منها كل حاجة وعايزاك تساعدها يا مصطفى ونوصلها لطريق ابوها عشان نبعدها عن ولاد الحړام اللي كانوا خاطفينها دول اكيد هما عارفين ان هي ملهاش حد عشان كده خطڤوها وربنا هو اللي بعتك ليها عشان تنقذها 
افتكر مصطفى لما دخل البيت المهجور وقابلها فيه وقال عندك حق يا أمي كل اللي حصل معايا في الليلة دي مكنش طبيعي ابدا ويمكن كل ده حصلي عشان اوصل للبيت اللي هي فيه ده واساعدها ترجع لابوها 
الحاجة بصت لابنها بفخر وقالت ربنا يقدرك على فعل الخير يا بني صحيح اللي خلف مامتش 
نزل حامد اخو مصطفى وبعده نزلت هنادي وفريدة بعد ما غيروا لبسهم وقربت منهم هنادي وقالت يلا يا عمتي الفطار جاهز 
وقالت بهزار فريدة هي اللي خبزة النهاردة 
فريدة ابتسمت بخجل وقالت خبزت ايه بس دا انا كل ما كنت اعمل حاجة ابوظها وانتي تصلحيها 
ردت الحاجة بثقة بكره تتعلمي كل حاجة وتبقي ست بيت قد الدنيا 
وبصت ل مصطفى ابنها وابتسمت بقلمي ملك إبراهيم 
يتبع 
الحاجة ام مصطفى شكلها ناويه تعوض فريدة عن مامتها وتعلمها كل حاجة من البداية وهنشوف فريدة تانيه خالص غير اللي عرفتوها في الأول 
تفتكروا مين هتكون الاقوى 
شخصية فريدة بتربية سميحة 
ولا شخصية فريدة تربية الحاجة ام مصطفى منتظره رأيكم في التعليقات ومتنسوش تفاعل قوي على البارت
الحلقة_18
تاني_حب
بقلم_ملك_إبراهيم حصريه وجديده 
فريدة هي اللي خبزة النهاردة. 
فريدة ابتسمت بخجل وقالت خبزت ايه بس دا انا كل ما كنت اعمل حاجة ابوظها وانتي تصلحيها.
ردت الحاجة بثقة بكره تتعلمي كل حاجة وتبقي ست بيت قد الدنيا.. 
وبصت ل مصطفى ابنها وابتسمت.
ابتسمت فريدة وحامد اتكلم وهو بيبص ل هنادي مراته اول مره اعرف ان هنادي بتعرف تصلح حاجة.
بصتله هنادي ورفعت حاجبها وقالتله بتقول حاجة يابن عمتي.
رد حامد عايزك طيبه يابنت خالي.
الحاجة ضحكت عليهم وفريدة بصتلهم بستغراب ومصطفى قام عشان يفطروا. 
رواية تاني حب بقلمي ملك إبراهيم. 
في بيت سميحة. 
نزلت سميحة من اوضتها عشان تجهز الفطار ولقت جرس الباب بيرن من بدري وكانت مها جايه ومعاها فطار جاهز ل كامل.
فتحت لها سميحة واستغربت انها جايه بدري كده واتكلمت معاها مها برقه صباح الخير يا طنط عاملين ايه النهارده.. انا جبت فطار ل كامل الاكل اللي هو بيحبه.
بصتلها سميحة پغضب مكتوم وبدأت تزهق من وجود مها المستمر عندها وبصت للاكل اللي مها جبته معاها وقالتلها الحمد لله ياحبيبتي احنا كويسين بس كامل مش بيعرف يفطر غير من الاكل اللي انا بعمله ب ايدي.
ردت مها بهدوء الفطار اللي انا جيباه ده من أكبر مطعم في البلد واتصلت بيهم من بدري عشان يجهزوه مخصوص.. لو سمحتي يا طنط صحي كامل بسرعه قبل ما الاكل يبرد..
وكملت كلامها وهي بتتجه للمطبخ بعد اذنك هحط الاكل في اطباق.
دخلت مها المطبخ وسميحة واقفه مذهولة من جرائتها وطلعت پغضب على غرفة كامل وكان كامل بيلبس عشان ينزل يروح شغله في النيابه يكمل تحقيق في القضيه بعد ما قاطعته مها امبارح وكان مضايق من تصرفها جدا.
دخلت سميحة غرفته وهي مټعصبه وقالت وبعدين بقى في البنت اللازقه دي هي هتفضل كل يوم كاتمة على نفسنا كده!
بص كامل ل والدته بستغراب وسألها بنت مين
ردت سميحة پغضب الست مها هانم.. جايه من بدري جايبالك اكل جاهز معاها كمان وقال ايه فطار صحي من مطعم غالي!! قصدها ايه بكلامها ده هو انا كنت بعملك اكل رخيص!
اتنهد كامل بتعب وقال من فضلك يا امي انا مش فايق لۏجع الدماغ ده سيبيها تعمل اللي هي عايزاه.. انا كمان مستحمل وساكت.
ردت سميحة پغضب ومستحمل ليه ان شاء الله.. هو اللي خلقها مخلقش غيرها.. وبعدين بصراحة بقى شخصيتها مش عجباني وحساها ملزقه كده ورايحة جايه علينا ولسه مفيش بينكم ارتباط رسمي.
بص كامل لنفسه في المرايا وهو مش شايف قدامه غير فريدة وصوتها وهي بتنادي عليه بيقطع في قلبه وحاسس بالذنب اتجاهها.
بصتله امه بستغراب لانه سكت ومش بيرد عليها واتكلمت معاه سكتت ليه يا كامل
رد كامل بحزن بفكر في فريدة عامله ايه دلوقتي
اتنهدت سميحة بحزن وقالت انا بقول انك تتصل ب عمك تعرفه لانه كده
كده هيعرف لو الخبر اتنشر في الجرايد.
كامل الخبر ممنوع من النشر لحد ما يلاقوا فريدة او انتهي من التحقيق في قضية قتل الممثلة يمكن اوصل للمچرم اللي ورا كل ده.
بصتله سميحة بستغراب يعني ايه
رد كامل بحزن يعني صدر قرار بمنع نشر خبر اختطاف فريدة لحد ما نوصل لاي معلومة توصلنا للمچرم اللي عمل كده.
اتنهدت سميحة وقالت ان شاء الله فريدة هترجع لانها طيبه وعمرها واذت حد.
بص كامل قدامه بحزن وهمس جواه هي فعلا عمرها ما اذت حد وانا اللي وجعتها كتير واذتها.. يارب اقدر اخليها تسامحني.
اتكلمت سميحة مرة تانيه وخرجته من شروده بقولك ايه تعالى انزل دلوقتي شوف حل مع اللي اسمها مها دي مش عايزاها تجيلي هنا تاني.
كامل ازاي بس يا أمي وانا هقولها لها ازاي بس.
سميحة پغضب مش عارفه اتصرف معاها.
كامل بص لامه بحيرة وسكت وسميحة كانت بتبص قدامها پغضب ومتغاظه من مها. 
بقلمي ملك إبراهيم. 
في بيت الراوي بعد انتهاء وجبة الفطار. 
قعد مصطفى في غرفة المكتب وفريدة قعدت قدامه.
مصطفى قوليلي بقى اسم والدك بالكامل والبلد اللي هو مسافر فيها ومسافر بقاله قد ايه
فريدة قالتله كل المعلومات عن سفر باباها ومصطفى كان مركز مع كل كلمة وكان عنده احساس قوي ان فريدة بتخفي حاجة عنه.
مصطفى قولتيلي انك لسه في الجامعه صح
فريدة بتوتر صح.
مصطفى كلية ايه
فريدة كلية أداب.
مصطفى برافو.
فريدة بحزن بتتريق اكيد.. انا عارفه انها كلية مش احسن حاجة بس انا اصلا معنديش هدف بعد التخرج.
مصطفى بستغراب ليه معندكيش هدف اومال ډخلتي الكلية ليه
فريدة عشان لازم ادخل الكلية.
مصطفى انتي عارفه ان كلية اداب اتخرج منها ادباء ومفكرين عظماء كتير جدا.
بصت فريدة على مكتبة الكتب اللي خلف مكتبه وقالت واضح انك بتحب القراءة لكن انا مش بحبها ابدا.
مصطفى ببساطة وايه المشكله كل واحد حر يحب او ميحبش المهم يكون عندك هدف في حياتك والاهم يكون عندك اصرار توصليله.. يعني انا ممكن اخد ساعة بريك من وقتي واستغلها في القراءة وانتي ممكن تاخدي الساعة البريك دي في حاجة تانيه تحبيها.. المهم يكون عندك هدف اساسي بتشتغلي طول اليوم عشان توصليله.
فريدة بصتله پصدمة وقالت انا تقريبا معنديش هدف ويومي كله وخداه بريك.
مصطفى بصلها بعمق وقال انتي اكيد عارفه ان عشان اقدر اوصل لوالدك الموضوع ده هيحتاج كام يوم.. ولحد ما اوصل لوالدك هتفضلي في ضيافتنا هنا.
فريدة خفضت وشها باحراج ومصطفى كمل كلامه وقال بس انا عندي سؤال.. اللي فهمته من كلامك انك مش هتدخلي الامتحانات السنه دي
فريدة بصتله بحيرة وقالت مش عارفه انا مفكرتش في موضوع الامتحانات ده خالص.
مصطفى بستغراب اومال فكرتي في ايه
فريدة بصتله ومعرفتش ترد ومصطفى قام وقف وقال نصيحة مني حاولي تفكري في مستقبلك اكتر من كده.
واتحرك قدامها وقال انا عندي
شغل ومضطر امشي دلوقتي وهنكمل كلامنا تاني.
فريدة قامت وهزت راسها بالايجاب وخرجت معاه من اوضة المكتب ومصطفى خرج من البيت وفريدة وقفت تفكر في كلامه وراحت تقعد مع الحاجة وسألتها بفضول طنط الحاجة كنت عايزك اسألك عن حاجة.
الحاجة كانت قاعده بتقرأ قرأن وخلصت الآية وصدقت وقفلة كتاب الله وبصتلها بابتسامة اتفضلي يا حبيبتي.
فريدة هو مصطفى خريج ايه
الحاجة بستغراب يعني ايه يا بنتي مش فاهمه
فريدة يعني مصطفى كان في كلية ايه
ردت عليها هنادي وهي بتقعد معاهم مصطفى خريج كلية آداب.
بصتلها فريدة پصدمة وقالت مش معقول طب ليه مقليش!!
هنادي بستغراب مقلكيش ايه مش فاهمه!
فريدة بصتلها وسكتت وهي بتفكر في كلام مصطفى ونصيحته لها.
بقلمي ملك إبراهيم.
في بيت زياد.
قرب زياد من مامته واتكلم