قصه بقلم علياء عبد الصبور
السعادة
_ وافقت يا ماما
ربنا يتمملك على خير يا نن عين ماما
_ هي ما وافقتش أوي.. باباها بيقول انهم محتاجين يتكلموا معايا
هتوافق إن شاء الله يا حبيبي
وجه اليوم اللي حدده باباها معاه.. راح هو ومامته.. كان في منتهى الأناقة.. احساسه مزيج من فرحة وخوف.. فرحة إنه هيشوفها تاني وأنها قبلت تقابله وخوف انها ترفض أو إن يكون قرار الجواز فيه ظلم ليها.. بس سبها على ربنا.
دخلت هي.. كانت شبه الملايكة.. فرحتها كانت منورة وشها.. بفستانها
_ السلام عليكم
ابتسم اول ما سمع صوتها ورد
وعليكي السلام ورحمة الله وبركاته
سلمت على مامته اللي قالت اول ما شافتها
_ بسم الله ما شاء الله.. اهلا بالعروسة.
_ هسيبكم شوية.
ورغم إن العريس كفيف.. بس كان لازم يلتزم بقواعد الشريعة.. وإن الخلوة ممنوعة.. علشان كدة قعد في مكان بعيد شوية عنهم.. مش سامعهم بس شايفهم وعينه عليهم من دقيقه للتانية.
_ ازيك يا مريم
ازيك يا دكتور مروان
وقبل ما تقول اي حاجة سألها هو
_ هتقدري تكملي حياتك مع إنسان كفيف
بالنسبالي القصة مش في كون الإنسان اللي هكمل معاه كفيف ولا مش كفيف .. أهم عندي من البصر البصيرة.. وزي ما بهاء قال وهو يعرفك أكتر مني.. أنت قلبك مرايتك
ابتسمت وقالت
_ بيعزك على ما اعتقد
ايوة الحمد لله.. وأنا كمان بعزه
_ كلمني شوية عن نفسك يا دكتور
أنا قولت كل حاجة في الجروب.. ده دورك تحكي وبعدين انا هرد على أي سؤال تسأليه
_ هكحي اكيد.. ولو ربنا كرمنا وكملنا مع بعض مش هبطل حكي.
وانا أوعدك لو حصل نصيب هعملك جروب لوحدك واخليكي كل يوم تحكي فيه .. لأن صوتك هيكون شباكي على الحياة.
النهاي
